Sanak Haghuk Jamo Isikanno

Di suatu Anek Ughiklah keluargo sederhano sai di kughniai sai sanak ghagah. Watteu aanakno beumogh 6 tahun apakno ghadeu ninggal. Ulah hino sanak ghagah hino diaghuh jamo aghuhan sanak haghuk. Guwai nyukupi kebutuhan keluargano emak sanak haghuk nanem gegulaian jamo kembang-kembang. Mak teghaso sappai anakno meghanai.
Sanak haghuk balak jadei meghanai wawai jamo kicar kiwar. Io selalue ngebatteu emakno nanem kembang-kembang jamo gegulaian. Kembang-kembang jamo gegulaian sai di tanem tiyan tuweh subur jamo berkembang wawai-wawai temmen.
"mak, geh kedou lamen kembang-kembang ijo ikam sai ngejualno adek pasagh, pasti hasilno dapek nyukupei kebutuhan gham tano ji" cawo sanak haghuk hino di suatu dawah. "ya, .ya.. temmen hino, lapahlah nikeu ngejual kembang-kembang ijo, kekkeh emak nikeu sai jujugh jamo wewah pudak jamo apou gaweh sai ngebelei kembangmeu", hino nasihat emakno sanak haghuk. Kembang-kembang sanak haghuk diilingi jamo bebai-bebai jamo mulei-mulei, sappai-sappai putri Raja ngedengei hal hino.
Di pasagh sanak haghuk ilig jamo binatang isikkan. Io agou jamo kambing, jawi jamo manuk. Sappai suatu ghani sewatteu io mulang anjak pasagh, lamen io tumbuk jamo ulun sai agou matiko binatang io belei. Watteu ino io ngenah kucing agou dipatiko io belei, wat lagei ulun sai agou mateiko kenui io belei, sappai wat ulun sai sai agou mateiko tikus io belei. Sewatteu ia agou nyebeghang wai io ngenah punyeu mas sai hampigh matei di pinggigh wai io tulung, diluppukkonno punyeu hino di wai. Akhirno sanak haghuk nayah isikanno.
Putri ghajo sai ghisek ngebelei kembang jamo sanak haghuk munnei kemunneian io iling jamo sanak haghuk. Geh ino munih sanak haghuk iling jamo putri Ghajo. "Mak sikam kileu tulung, pinengko sikam jamo Putri Ghajo", cawo sanak haghuk jamo emakno. Emakno tekanjat jamo beliau cawo, "Nyak mak beghanei anakkeu, gham mak sebanding jamo Putri ghajo, unut gaweh mulei sai sepadan jamo gham"
"Lamen geggeh ino sikam agou mineng sayan", cawo sanak haghuk. Tigeh di istano matei kak maghah ghajo ngedengei nyou sai dicawoko sanak haghuk. Ghajo cawo, "Nikeu dapek nikah jamo anakkeu, asal nikeu dapek ngecet keket istano ijo jamo emas".
Sanak haghuk nyanggupei nyou sai di cawoko ghajo.
Sanak haghuk mulang, di lelapahan io bepikegh geh kedou caghono ngecet keket istano jamo emas, sedangko emasno gaweh sikam mak mekkou. Tifeh di nuwo isikanno sanak haghuk ngelulih, "ulah nyou sanak haghuk kenahan sedih temmen?". Sanak haghuk nyeghitako nyou sai teghjadei. "Lamen geh ino lapah gham adek wai!" cawo keket jamo sanak haghuk jamo seghundono. "setujeu" cawo tiyan jamo-jamo.
Sappai di wai tiyan ngenah punyeu emas balak tekulai matei di pinggigh wai. Punyeu ino iyolah punyeu sai ghadeu di tulung jamo sanak haghuk. Lajeu punyu ino di akuk jamo di belah, mak pandaino wat emas di lem betengno. Nayah temmen emasno hampir 3 kg.
Jamo battuan isikanno debingeino tiyan ngecet keket istano jamo emas. Subhanallah tikus dapek ngeghejako pek-pek sai ghatcak jamo sulit dijangkau. Geggeh inolah tiyan keghejo jejamo guwai nyelesaiko keghejoan hino, sehinggono sappai jam tigo tukuk keghejoan ngecet dinding istano kak ghadeu.
Tukukno, ulun-ulun istano ngekeghik-keghik, "Kebakaghan-kebakaghan!" keghik ulun-ulun hino, ulah dinah istano sai ngining-ngining. Ngedengei keghikan-keghikan ino Raja luwah mak pandaino watteu dinah istano ghadeu dicet jamo emas. Ulah hino diaghuhlah sanak haghuk dijadeiko menatteuno.